ព្រឹកថ្ងៃទី ១៨ ខែមិថុនា ឆ្នាំ២០២១ ឯកឧត្តម ជឹម លាវ សមាជិក គណៈកម្មការទី១ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ ដោយមានការណែនាំ និងចាត់តាំងពីសម្តេចវិបុលសេនាភក្តី សាយ ឈុំ ប្រធានព្រឹទ្ធសភា រួមដំណេីរដោយ ឯកឧត្តម ច្រឹង គឹមស្រ៊ាង សមាជិកគណៈកម្មការទី៣ និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ និងលោកជំទាវ ស៊ី វណ្ណថា សមាជិកាគណៈកម្មការទី៣ និងជាសមាជិកាក្រុមសមាជិកាព្រឹទ្ធសភាប្រចាំភូមិភាគទី២ បាននាំយកអំណោយរបស់សម្តេចប្រធានព្រឹទ្ធសភា ទៅចែកជូនប្រជាពលរដ្ឋក្រីក្រ ចំនួន ១៤ភូមិ ក្នុងឃុំកោះសុទិន ស្រុកកោះសុទិន ខេត្តកំពង់ចាម ដែលមានប្រជាពលរដ្ឋចំនួន ៩១គ្រសារ មានការខ្វះខាត និងជួបការលំបាកក្នុងជីវភាព ក្នុងមួយគ្រួសារទទួលបាន ឃីត ១ និងអង្ករ ៣០kg ។ នាឱកាសនោះដែរ ឯកឧត្តម បានពាំនាំប្រសាសន៍ផ្តាំផ្ញេីសួរសុខទុក្ខពីសំណាក់សម្តេចប្រធានព្រឹទសភា ដល់បងប្អូនប្រជាពលរដ្ឋទាំងអស់ និងសុំឱ្យរក្សាឱ្យបាននូវវិធានការរបស់ក្រសួងសុខាភិបាល និងប្រសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ៣កុំ ៣ការពារ ដេីម្បីឱ្យចៀសផុតពីជំងឺដ៏កាចសាហាវCovid-19 ។